MUGAZ GAINDIKO KULTURA
EKOIZPEN ETA SORMEN LANTEGIA
MUGAZ GAINDIKO KULTURA
EKOIZPEN ETA SORMEN LANTEGIA

EUSKO JAURLARITZA - KULTURA SAILA

Hizkuntzak, eta kulturak oro har, gure nortasuna definitzen dute. Kulturak pertsona gisa eta herri gisa hazten laguntzen digu. Giza jarduera horrexek osatzen du bizi izatearen zentzua, etengabe sortzea eta birsortzea baita kultura, aurrera egiteko jakintza. Horregatik, duen garrantziaz, balio sozialaz eta ekonomikoaz jakitun, eta gizartea batzeko duen zereginean ziur, berau zaintzeko eginkizuna geure egiten dugu.
http://www.euskadi.eus/gobierno-vasco/departamento-cultura-politica-linguistica/

PROIEKTUAK PARTE HARTZEN DITUT

A TOWN THAT MAKES YOU HAPPY #1

ARTE GARAIKIDEA EREMU PUBLIKOAN
Bitamine Faktorian forma hartutako ekimena da A Town That Makes You Happy, eta esku-hartze, ekintza eta lantegi parte-hartzaileei esker eremu publikoan eragin positiboa sortzea du xede. Jakin dakigunez gizartea eraldatzeko tresna boteretsua dela artea, hiri-paisaia aldatu egin nahi dugu, inguratzen gaituena edertzeko. Adibidez, gris-kolorea besterik ez zegoen tokietan koloretako arrastoa uztea, altxatutako horma zatietan mapak kartografiatzea, edo iragarki oldarkorrez jositako paneletan mezu adeitsuak islatzea. Aipatutako adibideak lan iragankorrak diren arren, pertsonen eta tokien memorian diraute luzaroan. Proiektu honek artea ohiko tokietatik at eramaten du, jendarteak ahaztuta dituen edo haientzat ikusezinak diren tokiak hautatuta, tokiotan nekez antolatzen baitira jarduera edo ekitaldi ikusgarriak.

A Town That Makes You Happy ekitaldiaren lehenengo edizioak arte garaikidearen inguruko hainbat esku-hartze proposatu zituen gure egoitzaren auzoa den Larreaundin. Ekimen horretan, eskualdeko artisten, bizilagunen, denden eta enpresen iritziak bildu ziren, auzo erakargarriago eta lagunkoiago bat diseinatzeko.

2018ko urriaren 6an (larunbata) gauzatutako proiektua Loiolako Iñigo kalean garatu zen; hots, Bitamine Faktoriaren egoitzaren kalean. A Town That Makes You Happy proiektuaren helburua eremu publikoan eta pertsonen umorean eragin positiboa sorraraztea da, tokiko, Gipuzkoako eta Euskadiko emakume sortzaile talde batek auzorako pentsatutako esku-hartze, ekintza eta lantegi parte-hartzaileen bidez. Eguna girotzeko, herri-bazkari bat antolatu zen, bazkalondo eta guzti, bai eta Sara Mansilla eta Moon djs musikariek eskainitako zuzeneko saio bat ere.

ARTISTA GONBIDATUAK
Garikoitz C. Murua, Igor Rezola Iztueta, María Rios, Moon Djs, Nerea Lekuona, Pili Aguado, Ramon Zabalegi, Sara Mansilla, Susana Blasco

ERAKUNDE HAUEN BABESAREKIN
Kutxa Fundazioa / Irungo udala / Eusko Jaurlaritza / Gipuzkoako Foru Aldundia / Rehabite

LAGUNTZAILEAK
Cepinsa / Ondarribi Grafikagintza / San Miguel / Atrezzo / Restaurante Tetería Kus Kus

ESKER ONA
Artista, bizilagun, dendari, babesle eta laguntzaile guztiei auzo zoriontsuago bat irudikatzeagatik

Gehiago

A TOWN THAT MAKES YOU HAPPY #2

ARTE GARAIKIDEA EREMU PUBLIKOAN
Bitamine Faktorian forma hartutako ekimena da A Town That Makes You Happy, eta esku-hartze, ekintza eta lantegi parte-hartzaileei esker eremu publikoan eragin positiboa sortzea du xede. Jakin dakigunez gizartea eraldatzeko tresna boteretsua dela artea, hiri-paisaia aldatu egin nahi dugu, inguratzen gaituena edertzeko. Adibidez, gris-kolorea besterik ez zegoen tokietan koloretako arrastoa uztea, altxatutako horma zatietan mapak kartografiatzea, edo iragarki oldarkorrez jositako paneletan mezu adeitsuak islatzea. Aipatutako adibideak lan iragankorrak diren arren, pertsonen eta tokien memorian diraute luzaroan. Proiektu honek artea ohiko tokietatik at eramaten du, jendarteak ahaztuta dituen edo haientzat ikusezinak diren tokiak hautatuta, tokiotan nekez antolatzen baitira jarduera edo ekitaldi ikusgarriak.

A Town That Makes You Happy proiektuaren bigarren edizioak muina mantendu egin zuen (eremu publikoan parte hartzea, alegia); formatua, berriz, aldatu. Oraingoan, enpresa handien kanpainetarako erabili ohi diren hainbat publizitate-eremu okupatzean zetzan proiektua, modu iragankorrean haietan esku hartzeko, artelanen ohol izan zitezen. Hausnarketarako gonbidapen diren eta nahasmena/harridura sorrarazten duten lanen bidez, komunikazioaren eta kontsumoaren inguruko kontzientziazioa suspertu nahi zen proiektuarekin.

Abenduaren lehen bi asteetan zehar, lanak eremu publikoan jarri ziren ikusgai, artearekin bateragarriak izan ohi ez diren euskarri eta tokietan. Programazioa osatzeko, emakume artista gonbidatuetako laurekin eta Transbitarekin topaketak antolatu ziren. Azken hori Bitamine Faktoriak sortutako karabana ibiltaria da, zeinak hiriko auzo eta kaleetan barrena Estíbaliz Sádabak egindako ibilbidearen lan audiobisuala erakusten baituen.

ARTISTA GONBIDATUAK
Anne Laure Boyer, Colectivo Redil De Arte Político (Iñaki Larrimbe y Rubén Díaz De Corcuera), Estíbaliz Sádaba, Marina Vargas, Zuhar Iruretagoiena

ERAKUNDE HAUEN BABESAREKIN
Irungo udala / Eusko Jaurlaritza / Gipuzkoako Foru Aldundia

LAGUNTZAILEAK
Auzo elkarteak Landetxa, Santiago, Urdanibia / Gorka Lomeña SLU / Ficoba

Gehiago

LUR AZPIKO FORMAKUNTZA

Autogestionatutako proiektuetara egokitutako formakuntza bat

Bitamine Faktorian bertatik bertara ezagutzen ditugu gaur egungo kultura esparruko testuinguru eta agertoki desberdinak; izan ere, egunero egiten diegu aurre proiektu independente bat kudeatzeak dakartzan oztopo eta zailtasunei, kultura bezalako sektore prekarizatu batean. Aspaldidanik, sektoreko hainbat eragilek eta profesionalek jarduera mota horren know how-a ezagutzeko interesa dutela ikusi dugu. Beraz, horrelako prestakuntza eskaintzea aukera bat da ezagutzak partekatu, antzeko kezkak dituzten pertsonen arteko harremanak sortu eta ekosistema bera indartzen laguntzeko.

HELBURUAK
Alde batetik, ohiko formakuntzei prestakuntza osagarria eskaintzea, enpresa kulturalaren ohiko ereduan sartzen ez diren proiektu autogestionatuetara bideratuta, hau da, beste errealitate, erronka eta zailtasun batzuei aurre egin behar dieten egitasmoetara.

Bestetik, kudeaketa-, komunikazio- eta diseinu-tresnak eskaintzea, proiektuak aberasteko eta beste kultura- eta arte-egitura batzuen hazkunde-aukerak areagotzeko, bai eta kultura- eta sormen-arloan interesa duten pertsonen prestakuntza bultzatzeko ere.

Programa osoak hiru atal osagarri ditu:

//// KULTURA-KUDEAKETA
Bitamine Faktoria proiektu independentea da, eta, halabeharrez, hazten eta kultura-errealitate eta politika desberdinetara egokitzen joan da. Atal honek gai hauek biltzen ditu: proiektu independenteen sorrera eta kudeaketa, jarduera mota horri egokitutako finantzaketa- eta administrazio-moduak, ereduak, profilak eta estrategiak, ebaluazioa, lankidetza eta sareak.

//// DISEINUA ETA IRUDIA PROIEKTU KULTURALETAN
Laburrean, diseinu-tresnak proiektu kultural eta artistikoetan, hau da, marka, branding-a eta ikus-identitatea. Gure proiektuei ematen diegun diseinuak eta irudiak gainerakoetatik bereizten eta kokatzen dituzte. Atal honetan diseinuaren oinarriak lantzen dira, koloreak eta tipografiak modu arrazoituan konbinatuz, proiektuak edo zerbitzuak sustatzeko irudi eta konposizio erakargarriak sortze aldera; bai euskarri inprimatuetan (esku-orriak, txartelak, kartelak), bai bitarteko digitaletan (webgunea, bloga, mailinga, sare sozialak).

//// KOMUNIKAZIO KULTURALA
Kultura-erakundeetan komunikazioa tresna estrategikoa da. Atal honetan, kultura- eta arte-arloetako komunikazioaren berezitasunak lantzen dira, kultura-edukiak ahalik eta ondoen komunikatzeko jardunbide egokiak aztertzen dira; bai eta kultura-produktuak eta -zerbitzuak merkaturatzeko tresnak eta estrategiak, komunikazio-plan baten diseinua eta komunikabideekiko harremana ere.

DATAK
2021eko martxoaren 15etik 18ra
15:00etatik 19:00etara
Partaide-kopurua: 10 lagun

NON
Tabakalera | Kultura Garaikidearen Nazioarteko Zentroa
Andre zigarrogileen plaza, 1
20012 Donostia

HIZKUNTZA
Gaztelania

IZEN-EMATEA
Doakoa, lekuak bete arte
Lekuak agortuta. Itxaron-zerrenda zabalik
Izena emateko orria

EPEMUGA
Martxoaren 12 arte

+INFO
faktoria@bitamine.net | jaitsi informazioa

Gehiago

LEHENSUGEA

MATRIZ SECA
Jose Iglesias Gª-Arenal, Saray Pérez Castilla, Miriam Rodríguez Morán

Lehensugea proiektuak gogoeta egiten du, bideo-saiakera baten bidez, Europako estatu-nazioen ekoizpen sinbolikoan natura eta mugaren erabilerari buruz. Espainia eta Frantziaren arteko mugan dagoen Larrun tontorrerako bidaia baten irudi-erregistro batek ematen dio sarrera tokiko mitoen eta Europako egitura kolonialen fantasiaren arteko gurutzaketari heltzeko.

La Rhune trena 1924an eraiki zen Saratik gailurrera iristeko. Batez ere turismoari eskainia, kremailera-tren historikoa da, bakarra Euskal Herrian. Azpiegitura honekin, eremu mitikotzat jotzen zen lekura erraz irits zitekeen. Omen sorginen eta zazpi buruko lehensuge baten bizilekua, eta piztiak mendi barnean zeuden metal preziatuak ahotik kanporatutakoan inguruko basoak suntsitu eta ibai sutsuak eratu ziren. Trena, bere igoeran, izaki mitiko-moderno baten gisara agertzen da, mendia mugaren zedarri bezala berrasmatu eta bere izaera eta paisaia monumentalizatzearen funtzioa betetzen du, nazioaren eraikuntza mitikoa elikatzen duen estraktibismo sinbolikotik.

Bidaia fisikoa abiatu aurretik, ikerketak mendiaren eta mugaren hurbilketa hirukoitz bati helduko dio, Félix Guattari psikoanalista eta filosofoaren Les Trois Écologies lanean oinarritutako hiru "testuren" bidez, niak niarekin, niak bestearekin eta niak naturarekin ezartzen dituen harremanei buruz hausnartzeko.

/

Matriz seca Jose Iglesias Gª-Arenalek, Saray Pérez Castillak eta Miriam Rodríguez Moránek piztutako lan-ildo bat da, erauzketa material eta sinbolikoko prozesuetan oinarritutako lurralde-antolamendua mantentzen duten egituren gainean jarduteko.

Jose Iglesias Gª-Arenalek master bat du Komisariotzan (Whitechapel Gallery eta London Metropolitan University) eta beste bat Art Praxis-en (Dutch Art Institute). Whitechapel Galleryko ikertzaile eta ikerketa-proiektu independenteen koordinatzaile aritu izan da. Espainian, Mendebaldeko Saharan eta Argentinan topaketak eta erakusketak antolatu ditu. MAL plataforma kuratoriala zuzentzen du.

Saray Pérez Castilla (Burgos/Bilbo, 1987) artista eta ikertzailea da. Nazioartean hainbat beka, sari, egoitza eta erakusketa jaso ditu, besteak beste, honako hauek: Archivos, registros necesarios, Incontro di artisti in Salento (Italia), ERTIBIL, Provincia 53 (CDAN-MUSAC), BilbaoArte Fundazioa, BARRIEK, Linz IMPORT project (Austria), eta Paisajes invisibles (Saharako errefuxiatuen kanpalekuak, Argelia). 2019an esplorazio bati ekin zion komisariokide bezala ¿En que pien­san lxs artistas? Diálogos sur-sur-norte para darle la vuelta al mundo entre País Vasco y Ecuador.

Miriam Rodríguez (Abadiño, 1983) Oviedoko Unibertsitatean doktorea da; arlo hauetan espezializatua, Estetikan eta Arteen Teorian (DEA 2010) eta Zientzia eta Teknologiaren Gizarte Ikasketetan (Oviedoko Unibertsitateko eta Salamancako Unibertsitateko masterra, 2009), eta Filosofian lizentziatua unibertsitate hartan (2007). Egun, kultur eta arte-sektorean dihardu, hainbat proiektu, erakusketa-, prestakuntza- eta ikerketa-lanetan murgilduta. Hitzaldi ugari eman eta hainbat argitalpen ditu.

Gehiago

CAYOLAR

Cayolar (mendiko artzain-borda, xibereraz) "bizitzearen" gaiari buruzko ikerketa eta egoitza ibiltaria da. Pirinioetako katearen bi aldeetan, beraz, mugaz gaindiko izaera batetik, 20 laguneko talde bat biltzen du esperientzia kolektibo batean; guztiek elkarrekin hainbat alorri heltzeko asmoarekin hala nola praktika berriri, esperimenturi eta hausnarketa sakon ugariri (honako alderdien arteko loturak, besteak beste, kultura eta lurraldea, kultura eta politika, kultura eta nekazaritza, kultura eta landatartasuna).

Egonaldia bi astez garatu genuen, 2 saiotan banatuta. Lehenengo "geldialdia" Aspe haraneko Urdos udalerrira heldu ginen, "Le Larry" izeneko mendi-bordaren inguruan, 1.700 metroko altueran. Espazio-denbora horrek aukera eman digu naturguneak atzeman, artzain-jardueretara hurbildu eta ezagutzak partekatzeko, baina baita galderak egin, perspektiba berriak aurkitu, arazoei irtenbide berriak eman eta istorio berriak eraikitzeko ere. Udako bazkaleku hartara iristeko, ia hiru orduko ibilaldia burutu behar izan genuen, puskak asto baten gainean jarrita. Bigarren etapak gure praktikak eta ikerketak berriz aztertzeko beta eman zigun, historia komun bat sortu eta gure memoriatik abiatuta, diziplina anitzeko instalazioak ekoizte aldera. Uharte Zentroan garatutako egonaldian zehar, igarotako denborari esker, tokiko kultur eragileekin batera hausnarketa areagotuak azaleratu ziren. Nola diseina eta aktiba dezake proiektu batek landatartasunari buruzko beste ikuspegi bat?

Cayolar proiektua TRAM-Ek bultzatutako ekimena da. Natacha Sansoz artistak sortu zuen elkartea 2018an, Oloroe-Donamarian. Elkarteak landa-eremuko bizipenak eta ikerketa bultzatzeaz gain, artistei sormen-testuinguru ezohikoak eskaintzen dizkie, zenbait leku berezi esploratzearekin lotuta. Izan ere, zuhaitz bat, mendi-borda bat edota txapel fabrika bat artisten eta publikoaren arteko topaketarako gune aproposak izan daitezke, elkarrekin zerbait sortzeko.

/

Natacha Sansoz (Carcasona, 1981) Pirinio Atlantikoetan bizi eta lan egiten du.

Natacha Sansoz artista erlazionala da. Bere praktika artistikoa artea, artisautza eta performancea gurutzatzen dituzten esparru artistikoetara bideratu du hainbat urtez. Pertsonen partaidetzak berebiziko garrantzia du bere sorkuntza-prozesuan.

2018 eta 2019 bitartean, sormen-egoitza ibiltari batekin esperimentatu eta "A Freaky Wedding in the Empty Shack" izeneko proiektua sortu zuen. Nolabaiteko epopeia honek ezkontza arrotz baten istorioa kontatzen du. Pertsonaien kontakizunak iragandako herrialde ezberdinetako topaketak eta kulturak islatzen ditu; Europako errelato komun bat idaztera engaiatuta garen heinean, kontinentearen nondik norakoak marrazteko saiakera moduko bat.

2018 eta 2020 bitartean, etnologo gisa, Europako ehun-zuntzei lotutako ondare inmaterial bizia ikertzen hasi zen, eta xede horrekin TRAM-E elkartea sortu. 2019ko uztailean Georgian, sormen-egoitza baten esparruan, 12 metroko feltrozko artilezko pieza bat eskuz lantzeari ekin zion, artisau georgiar, azerbaiyar eta turkiarren laguntzarekin.

Gehiago

DENOK GUTXI

Ane Azkona

Saiakera honek ezintasun teknikoa mekanismo-artistiko eta performancearen demokratizazio gisa hartzen ditu, bertakoa eta arrotza uztartuz. Nolabait glokalaren ideia arakatzen du proiektuak, indarkeria aitzakia hartuta eta bertako eta arrotzaren arteko irudi-talka ariketa xume batetik abiatuta.

Kalean aurkitutako objektuekin artefaktu eramangarri bat eraiki ondoren, bideoperformance-ekintza izaera hartuko du instalakuntzak, slackline teknika baliatuz. Instalakuntza hori objektu erlazionala da, emaile eta hartzaile anitzen negozioazio-gune geometrikoa, non espazioarekin harremanean dauden elementuek elkarrekiko mendekotasunez jokatzen duten. Bertan aurkezteko formak agerraraziko dira, aldarrikapen-tresna ohikoenetako batzuen elementuen galdezka, berezko ikurrak, keinuak eta esaldiak irakurri ahal izateko. Horretarako, kultura herrikoiaren eta pop-kulturaren iruditeria kolektiboaz baliatuko da, artxibo pertsonalarekin batera. Finean, hurbilketa sozial honek harreman berriak proposatu nahi ditu testuinguruan kokatu eta bera berridazteko.

/

Ane Azkonak (Donostia, 1997) EHUn burutu zuen Arte Ederretako gradua eta Atenaseko Arte Eskolan osatu. Bilbo eta Atenas hiriek ikasleku izanik, euren arte-sistemaren eta akademiaren egoerak eragina izan du bere lan artistiko eta sorkuntza-estrategian. Zehatzago, bere jardunak alderdi erlazionalak, materialak eta espazialak ditu abiapuntu, iruditeria kolektiboan eta pop-kulturan esanguratsuak diren elementuen arteko topaketa kontzeptualak behartzeko. Egun, eremu eta memoria publiko eta pribatuen arteko muga aztertzen dihardu, tradizioz aldarrikapenerako erabili izan diren dispositiboen bitartez arte-lurralderako espazio produktiboa sortu nahian.

Gehiago

RAKEL GÓMEZ VÁZQUEZ

AGURBERRIZ

AgurBerriz saiakera bisualean palmondoaren galera islatzen da, pikudo gorriaren zabaltzearen ondorioz. Indianoen ikur kolonialtzat hartzen da palmondoa, gure paisaian garaiko historiaren adierazgarri nabaria. Kontzeptualizazioa garatzean Agur Jauna euskal ereserkia izango da muina, bere dimentsio zabalean, zehazki alor musikal, testual eta sinbolikoan. Izan ere, Euskal Herriko pieza esanguratsu hori gure kulturan balio sinboliko handikoa da. Monumentu eta izurrite biologikoei buruzko praktika artistikotik abiatutako ikerketak agerian utzi du irakurketa dekolonialek landareen gaineko zeregin estraktibista eta koloniala betetzen jarraitzen dutela. Palmondoek betidanik bidaiatu badute ere, badakigu gure eraginak bizkortu egin duela haien sakabanaketa, eta orain haien gaixotasuna ere bai. Hala ere, egun kontserbazioa eta zaintza bertako floraz bakarrik arduratzen da. Horregatik, ereserkiak landare exotiko horien gainean dituen ahalmen disruptibo eta sinbolikoak erabiliko dira instalazio bat ekoizteko.

/

Rakel Gómez Vázquez artista eta ikertzailea da, Arte Ederretan lizentziaduna eta EHUn INCREARTEko masterra duena. Florentziako Accademia di Belli Arti eta Buenos Airesko Di Tella Unibertsitatean osatu du bere formakuntza; gaur egun doktorego tesia idazten ari da. Armar arte-ikerketarako kolektiboaren bazkide sortzailea da; TXT Lab-eko eta AKMEKA (Artea, Kultura eta Media) ikerketa-taldeko kide da, eta laSIA kolaboratzailea ere bada. Artista gisa egindako ibilbidean, sorkuntzarako hainbat beka eta sari jaso ditu.

Bere ekoizpenak sorkuntza ikerketa bezala ulertzen du eta hedatutako dokumentazio bezala artikulatzen da. Paisaia eraikuntza kultural gisa aztertzen du, zeinak memoriaren eta nortasunaren problematika politiko-sozialak irudikatzen baititu, jatorriaren eta nortasunaren eraikuntza bisual eta sinbolikoan eragin koloniala ikertuz, eta paisaian duen indarra eta proiekzioa aztertuz. Artxiboak, liburutegiak eta museoak arakatzeaz gain, landa-lanari eta lan praktikoan erabilitako tresnei heltzen die, marrazketaren, grabatuaren, instalazioaren, argazkiaren eta teknika analogiko fotosentikorren bidez (zianotipia, adibidez).

rakelgomezvazquez.com

Gehiago

FATA MORGANA

SARA MILLOT

Irungo kale eta plaza publikoetan fikziozko eszena dokumentalak agertzen dira hutsik dauden dendetako erakusleihoetan. Aldi berean, hiriko biztanleak igarotzen dira eszenotan. Narraziozko ikerketa formal bat abian jartzen duten bideo-sekuentzia proiektatu labur horiek oinezkoen atentzioa ematen dute, hirian barrena dabiltzan bitartean.

Erretratuak, narrazio grafikoak, pasarte animatuak, artxiboko irudiak… Bidasoa eskualdeko biztanleekiko kolaborazio estuari esker grabatutako eszena eta egoera ugari horiek lurralde mugakide honetan bizi direnen aurpegiak eta keinuak erakusten dizkigute, bai eta beren ametsezko eta benetako istorioak ere, elkar bizi diren hiru hizkuntzetan islatuta; hots, gaztelera, euskara eta frantsesa. Eremu publikoan ezarritako sorkuntza honek proiekzio ibiltariak ere eskainiko ditu hiru hirietako eraikinen fatxadetan, bai proiektu hau bai kontatutako istorioen aniztasuna xedatzen duten topaketak dokumentatzeko mikroedizio batekin batera.

/

Sara Millot bideo-artistak elementu dokumentalak hartzen ditu oinarri filmak eta instalazioak sortzeko, eta elementuok idazketa- eta edizio-prozesu esperimentalen bitartez eszenaratzen eta osatzen ditu. Azken urteotan, eremu publikoa izan da bere lanaren muina, tokiko biztanleak edo protagonistak parte hartzera gonbidatuta. Horrez gain, Borderline Fabrika elkarteak Hendaiako arte-egoitzan egin dio harrera proiektu hau garatzeko.

Gehiago

I+I LAB_”El Lenguaje de la Comida: el idioma de las culturas hispánicas”

THE LANGUAGES OF ENERGY

Banako prozesuak komunitatean bizitzeko ikerketa-eremua da I+I LAB_”El Lenguaje de la Comida: el idioma de las culturas hispánicas”. Horren helburua bizipenak eta prozesuak balioestean, eta pertsonak ahalduntzean datza, hausnarketaren eta lan kontzientearen bidez. Garapen-praktika horiekin, oinarrizko tokiak eraiki nahi dira, non maila gizatiarrago batean IZATEKO aukera eskaintzen baitzaie pertsonei, ongizate pertsonala areagotze eta osasuna sortze aldera. Horretarako, artearen, elikaduraren, soinuaren eta sendaketaren bidezko saiakuntzak egiten dira.

I+I LABak hiritarren ikerketa-laborategiak dira, eta artearen, zientziaren eta sendaketaren bidez konponbideak eskaintzen dituzten proposamen berriak sustatzea dute xede, benetako gizarte-eraldaketa kontziente bat gerta dadin.

/

The Languages of Energy-k gizarte-eraldaketaren eta garapen pertsonalaren aurrerapenean lan egitea du ardatz, artearen, soinuaren, elikaduraren eta sendaketaren bidez, pertsonen osasuna eta ongizatea sustatzen duen aldaketa nabarmen bat lortzearren. Bestela esanda, eraldaketa eta hedapena, gizakia lehentasuntzat jota, berrikuntza sozialeko programak sortuta sormenaren, ikerketari, gastronomiari eta goraka ari diren arteei esker. Bizipen-forma berriak sustatzea da bere helburua, komunitatean egindako ekintzei esker bizipen pertsonalak ahalbidetzen dituzten topaketarako eta esperimentaziorako eremuak sortuta.

http://www.thelanguagesofenergy.org

Gehiago

TXOKOLATE-ONTZIA

EUSKAL HERRIKO OBJEKTU TRADIZIONALEN “HAU” DISEINU LEHIAKETAren laugarren edizioan txokolate-ontzia berraztertzea proposatu zen. Objektu hori txokolatea prestatzeko erabiltzen zen sukaldeko tresna da, alegia. Tutu-formakoa da eta behealdean sabelduna da; ahoaren aldean, berriz, lisoa da, eta kirten bat du. Goialdean, erdian zulo bat duen estalki bat dauka. Bertatik, egurrezko irabiagailua edo ehogailua sartzen da; berez, estalkiaren zulotik ateratzen den barra luze bat da, bi noranzkoetan bira egiten duena. Hala, uretan edo esnetan murgildutako txokolate-ontzak irabiatu egiten dira, nahasketa desegin eta loditzen den arte. Txokolate-ontzi batzuk idulki baten edo hanka txiki batzuen gainean jarri ohi ziren.

Agurtzane Garaik (San Telmo Museoko bitartekaritza arduraduna), Fermín Leizaolak (Aranzadi Zientzia Elkarteko Etnografia Saileko zuzendaria), Iosu Rodriguezek eta Jon Lamborenak (IBILI Menaje), Elisabeth Urrutiak (industria-diseinu alorreko irakaslea eta ikerlaria Mondragon Unibertsitatean), Rafa Gorrotxategik eta Carlos Sánchezek (Bitamine Faktoriaren izenean) osatutako epaimahaiak NAHUA proiektua saritu zuen, JUNE LIZASO ODRIOZOLAK eta MARTA LOIDI URQUIZUK aurkeztutakoa.

NAHUA proiektuak objektuaren alderdi teknikoak, funtzionalak eta formalak trebeziaz eta sentiberatasunez konbinatzen ditu, eta erabilitako lengoaiaren aberastasuna nabarmentzen duen diseinu bat proposatzen du. Era berean, jatorrizko objektuarekiko fideltasuna mantendu egiten du, aldi berean haren ezaugarri nagusietako batzuk egungo erabilera eta ohituretara eguneratuta.

Proiektu irabazlea eta lan nabarmenenak biltzen dituen erakusketa ikusgai egongo da San Telmo Museoan udan zehar.

Bitamine Faktoriak, lehiaketa honen antolatzaile den erakundeak, babesleen laguntza, epaimahaikideen lana eta parte-hartzaileek erakutsitako interesa eskertzen ditu.

Saria
NAHUA - JUNE LIZASO ODRIOZOLA eta MARTA LOIDI URQUIZU

Aipamen berezia
MOKAMA - NORA GONDAT UNZALU eta EIDER SANCHEZ IMAZ

Nabarmendutako proiektu finalista
LA TXOKO - Aitor Marauri Jauregui, Oier Arevalillo Labayen

Proiektu finalistak
GOXOPOT - Miren Loiti Jaca, Ibone Aboitiz Anakabe
IKATZ - Paula Iglesias Izcue, Eider Gabirondo Lopez
EDONORA - Maitane Urkiola Martinez, Ane Barandiaran Lopez de Audicana
GOXOKO - Malen Deniz Ayerbe, Mireia Elexpe Román
K'AKAW' - Arrate Serrano Otadui, Uxue Cabañes Iturbe

Argazkiak: Oskar Moreno

Gehiago

AMAIA MOLINET

THE SPRING I LOST / THE LACK OF TOUCH

Hurrengo proiektua 2020ko konfinamendu-aldian faltan botatako estimuluen arteko ariketa bisual eta formaletatik abiatuta sortzen ari da. Bere baitan, nagusiki, argazki-sail ezberdinak ditu, non pandemiak nigan izandako inpaktuaren irakurketa ez so nabarizkoa eta pertsonala islatzen den. Lehen zati honek izaera bisualagoa du eta iraileko lehen hamabostaldian ikusgai izango da ClujNapocan. Bigarren zatia, berriz, hitzaren izaeraren hedapen gisa aurkezten da, hitzaren plastikotasunari eta fonetikari arreta eskainiz, esanahiekin eta etimologiekin esperimentatzeaz gain. Itxuraz desberdinak diren bi atalek lotura estua dute, urtebete baino gehiagoko pandemiaren inpaktu pertsonala interpretatu ahal izateko elementuak baitira.

Argazkilaritza eremu hedatutzat hartuz garatzen dut nire arte praktika. Nire interes nagusia, zehazki, lurraldetasunaren arazoa identitate zeinu gisa argazki praktikatik abiatuta lantzean datza. Muga, memoria, arkitektura edo lurraldea bezalako nozioak erlazionatzen ditut, paisaiaren sentipen konplexu eta pertsonala eraikuntza kultural, politiko edo sozial gisa ulerturik. Izaera fotografiko soila duten nire proiektu batzuetan, ikuspegi fenomenologikotik eta asmo kritiko jakin batetik abiatuta irudiak sortzeko aukera bilatzen dut, haien osagai estetikoen bidez euren eraikuntzan zentzu politiko inplizitu bat
susmatzeko aukera ematen dutelarik. Dena den, osagai estetiko edo are tekniko horretatik haratago, egungo praktika artistikoa bizi-esperientzia bezala eta pentsamendurako aukera bezala sentitzen dut. Nire praktika identitatearen eragin esparruak testuinguruaren inguruan garatutako ikerketa bat bezala ulertzen dut, sinbolikotasuna edo konnotaziozkoa dena arteak ezagutzara gidatzeko behar duen tresna gisa erabiliz, afektibotasunetik eta pertzepziozkoa den horretatik. Argazkilaritza eta bideoaren bidez dokumentatutako ekintza performatiboak egiteko beharra sentitzen dut, testuinguruarekin lotzeko aukera ematen didatena, adierazitako eta markatutako lurralde batean lan egiteak dakarren gatazkaren aurrean konponduz. Azkenik, nire lana ezartzeko erabiltzen ditudan bide eta euskarriei arreta ematen diet baita ere, lur eremuan aurretik bizi izan den esperientzia berreraikitze hautemangarriaren prozesuan hainbat euskarri fisikoetara berlurralderatzeko.

Argazkiak: Roland Vaczi

Gehiago

ALINA ANDREI

YOU KNOW ALL THESE PEOPLE

Espainia eta Frantziako pertsonei argazkiak atera dizkiet; zehazki, bi herrialde horien arteko mugako biztanleei. Halaber, Errumaniako etnia ugariko hiri bati atera dizkiot argazkiak (oinezkoak nahiz ezagutzen ditudan pertsonak). Euskaraz, gaztelaniaz, frantsesez, errumanieraz, hungarieraz, errusieraz, italieraz, portugesez, alemanez, ingelesez eta gogoratzen ez ditudan beste hizkuntza batzuetan mintzatzen ziren.

Haiek guztiak nahasi egin nituen; hala, ia ezinezkoa da jakitea nondik datozen. Hala eta guztiz ere, paperezko pertsona horiei so eginez gero, da, ezagunak egiten zaizkizu, haiek ezagutu ez arren eta haien aurpegiak sekula ikusi izan ez arren.

Keinu bakar batek hauetakoren bat etorraraz diezazuke burura: ikaskide bat, beroki more bat, jasanezina den emakume bat, gizonezko agure bat, zure etxe parean txakurra paseatzen duen bizilagun isila, neska bat bakeroetan… Déjà vu moduko sentsazioa sortzen du gure baitan, bai onerako bai txarrerako, eta ezin da azaldu. Aldi berean, denak dira desberdinak eta antzekoak haien artean. Gogora ezazu aipatutakoa beste pertsona batzuk gorrotatzera gonbidatzen zaituztenean (edonor direla ere).

Haurtxoen sehasketatik zintzilika dauden jostailuekin pentsatu nuen: negar ez egiteko jostailuak, asperraldiari aurre egitekoak, eta bakardadearekiko eta iluntasunarekiko beldurra kentzekoak. Ageri denez, helduentzako irudikapen sinboliko bat da; hots, amesgaiztoetatik edo bizitza errealetik babestu ezin zaituen gezurretako talisman bat. Instalazio horiek Alexander Calder eta Bruno Munariren instalazio mugikorrei ere egiten diete erreferentzia.

Alina Andrei

Gehiago

DEIALDIAREN ARABERA

EAS-EZE #5

EUSKAL ARTE GARAIKIDEA NAZIOARTEKOTZEKO PROGRAMA

Bitamine Faktoriak, gaur egungo euskal artea nazioartera irekitzeko bere planean jasotako esparruaren barnean egiten du deialdi hau. Programa honen bidez arte ikerkuntza eta ekoizpena sustatu nahi dira, sortzaileak sustatzen lagundu eta artisten nazioarteko mugikortasuna bultzatu nahi da.

Euskadin bizi diren eta bertan lan egiten duten artisten esportazio proiektu artistikoak sustatzeko da, edozein diziplinatakoak izanda ere.

ZERTAN DATZA?

Bi fasetan garatuko da laguntza. Hasieran proiektu batean lan egingo da hainbat aurreko hilabeteetan. Behin bukatu ondoren, esportatu egingo da Buenos Airesen (Argentina) aurkezteko, eta han gaur egungo hainbat kulturgune nabermenetan erakutsiko da.

Tokiko erakundeekin batera, jarduera egutegi bat finkatuko da eta bertan artistek hainbat parte hartze izango dituzte aretotan, museotan, kulturgunetan eta galeriatan (mahai inguruak, eztabaidak, workshopak, topaketak eta lan kolektiboak) lekuko artista garrantzitsuekin.

Gehiago

EAS-RIO #1

EUSKAL ARTE GARAIKIDEA NAZIOARTEKOTZEKO PROGRAMA

Bitamine Faktoriak, gaur egungo euskal artea nazioartera irekitzeko bere planean jasotako esparruaren barnean egiten du deialdi hau. Programa honen bidez arte ikerkuntza eta ekoizpena sustatu nahi dira, sortzaileak sustatzen lagundu eta artisten nazioarteko mugikortasuna bultzatu nahi da. Euskal Autonomia Erkidegoan bizi diren eta bertan lan egiten duten artisten esportazio proiektu artistikoak sustatzeko da, edozein diziplinatakoak izanda ere.

ZERTAN DATZA?
Bi fasetan garatuko da laguntza. Hasieran proiektu batean lan egingo da hainbat aurreko hilabeteetan. Behin bukatu ondoren, esportatu egingo da Rio de Janeiro (Brazil) aurkezteko, eta han gaur egungo hainbat kulturgune nabermenetan erakutsiko da.

Tokiko erakundeekin batera, jarduera egutegi bat finkatuko da eta bertan artistek hainbat parte-hartze izango dituzte Rio de Janeiroko aretoetan, museoetan, kulturguneetan eta galeriatan (mahai inguruak, eztabaidak, workshopak, topaketak eta lan kolektiboak) lekuko artista garrantzitsuekin.

Gehiago

EAS-EZE #4

EUSKAL ARTE GARAIKIDEA NAZIOARTEKOTZEKO PROGRAMA

Bitamine Faktoriak, gaur egungo euskal artea nazioartera irekitzeko bere planean jasotako esparruaren barnean egiten du deialdi hau. Programa honen bidez arte ikerkuntza eta ekoizpena sustatu nahi dira, sortzaileak sustatzen lagundu eta artisten nazioarteko mugikortasuna bultzatu nahi da.

Euskadin bizi diren eta bertan lan egiten duten artisten esportazio proiektu artistikoak sustatzeko da, edozein diziplinatakoak izanda ere.

ZERTAN DATZA?

Bi fasetan garatuko da laguntza. Hasieran proiektu batean lan egingo da hainbat aurreko hilabeteetan. Behin bukatu ondoren, esportatu egingo da Buenos Airesen (Argentina) aurkezteko, eta han gaur egungo hainbat kulturgune nabermenetan erakutsiko da.

Tokiko erakundeekin batera, jarduera egutegi bat finkatuko da eta bertan artistek hainbat parte hartze izango dituzte aretotan, museotan, kulturgunetan eta galeriatan (mahai inguruak, eztabaidak, workshopak, topaketak eta lan kolektiboak) lekuko artista garrantzitsuekin.

Gehiago

IZOKIN #7

SORKUNTZARAKO MUGAZ GAINDIKO LAGUNTZAK

Izokin deialdiak bakarkako sortzaileen eta taldekakoen proiektuak nahiz ekoizpen espazio iraunkorren eta kultur eragile independenteen ekimenak bultzatzen ditu, eta horren bidez lagundu egiten du lekuko sortze ehuna indartzen eta herritarren artean hedapen handiagoa lortzen.

Bakarkako edo/eta taldekako sortzaileen lanak ekoizteko izango dira laguntzak, izaera berritzaileko proiektuak eta aukera askeko oinarriak eta edukiak izango dituzten jarduerak. Beren jarduera Euskal Herriko mugaz gaindiko lurraldean garatzen duten pertsona fisiko edo kolektiboentzat bideratuta dago.

Deialdi honen sorkuntza grafikoaren aipamena.
CC BY-NC 4.0 2015 / KUTXATEKA / Fotocar / Martín Ricardo

ZERTAN DATZA
Obrak ekoizteko laguntza ikus-arteetan, ikus-entzunezkoetan, musikan, eszenan, literaturan, diseinuan, komikigintzan edo beste edozein sorkuntza diziplinatan. Kultur proiektuen ekintzailetza: ekitaldien edo/eta kultur espazioen kudeaketa nazio mailan eta nazioarte mailan. Obraren erakusketa.

NORK JASO DEZAKE
Laguntza hauen onuradunak Gipuzkoako, Nafarroako edo Euskal Hirigune Elkargoko (Lapurdi, Baxe-Nafarroa eta Zuberoan) lurraldeetan beren jarduera jorratzen duten pertsona fisiko banakoak eta pertsona fisikoen taldeak izango dira edota beraien proiektua lurralde honekiko lotura zuzena dutenak, adin mugarik gabe.

HAUTATZE IRIZPIDEAK
Proiektu bakoitzaren kalitatea, ibilbidea, berrikuntza, konektibitatea, parte hartzea eta mugaz gaindiko izaera hartuko dira kontuan.
Balorazio batzordea egokitzat hartzen dituen eskatzaileekin elkarrizketatu ahal izango da laguntzaren eskaeraren inguruan informazio osagarria jaso ahal izateko.

EPEMUGA
2020ko martxoaren 6a.

Gehiago

EAS-EZE #3

EUSKAL ARTE GARAIKIDEA NAZIOARTEKOTZEKO PROGRAMA

Bitamine Faktoriak, gaur egungo euskal artea nazioartera irekitzeko bere planean jasotako esparruaren barnean egiten du deialdi hau. Programa honen bidez arte ikerkuntza eta ekoizpena sustatu nahi dira, sortzaileak sustatzen lagundu eta artisten nazioarteko mugikortasuna bultzatu nahi da.

Euskadin bizi diren eta bertan lan egiten duten artisten esportazio proiektu artistikoak sustatzeko da, edozein diziplinatakoak izanda ere.

ZERTAN DATZA?

Bi fasetan garatuko da laguntza. Hasieran proiektu batean lan egingo da hainbat aurreko hilabeteetan. Behin bukatu ondoren, esportatu egingo da Buenos Airesen (Argentina) aurkezteko, eta han gaur egungo hainbat kulturgune nabermenetan erakutsiko da.

Tokiko erakundeekin batera, jarduera egutegi bat finkatuko da eta bertan artistek hainbat parte hartze izango dituzte aretotan, museotan, kulturgunetan eta galeriatan (mahai inguruak, eztabaidak, workshopak, topaketak eta lan kolektiboak) lekuko artista garrantzitsuekin.

Gehiago

EAS-EZE #2

EUSKAL ARTE GARAIKIDEA NAZIOARTEKOTZEKO PROGRAMA
Bitamine Faktoriak, gaur egungo euskal artea nazioartera irekitzeko bere planean jasotako esparruaren barnean egiten du deialdi hau. Programa honen bidez arte ikerkuntza eta ekoizpena sustatu nahi dira, sortzaileak sustatzen lagundu eta artisten nazioarteko mugikortasuna bultzatu nahi da.

Euskadin bizi diren eta bertan lan egiten duten artisten esportazio proiektu artistikoak sustatzeko da, edozein diziplinatakoak izanda ere.

ZERTAN DATZA?

Bi fasetan garatuko da laguntza. Hasieran proiektu batean lan egingo da hainbat aurreko hilabeteetan. Behin bukatu ondoren, esportatu egingo da Buenos Airesen (Argentina) aurkezteko, eta han gaur egungo hainbat kulturgune nabermenetan erakutsiko da.

Tokiko erakundeekin batera, jarduera egutegi bat finkatuko da eta bertan artistek hainbat parte hartze izango dituzte aretotan, museotan, kulturgunetan eta galeriatan (mahai inguruak, eztabaidak, workshopak, topaketak eta lan kolektiboak) lekuko artista garrantzitsuekin.

Gehiago

EAS-EZE #1

EUSKAL ARTE GARAIKIDEA NAZIOARTEKOTZEKO PROGRAMA
Bitamine Faktoriak, gaur egungo euskal artea nazioartera irekitzeko bere planean jasotako esparruaren barnean egiten du deialdi hau. Programa honen bidez arte ikerkuntza eta ekoizpena sustatu nahi dira, sortzaileak sustatzen lagundu eta artisten nazioarteko mugikortasuna bultzatu nahi da.

Euskadin bizi diren eta bertan lan egiten duten artisten esportazio proiektu artistikoak sustatzeko da, edozein diziplinatakoak izanda ere.

ZERTAN DATZA?

Bi fasetan garatuko da laguntza. Hasieran proiektu batean lan egingo da hainbat aurreko hilabeteetan. Behin bukatu ondoren, esportatu egingo da Buenos Airesen (Argentina) aurkezteko, eta han gaur egungo hainbat kulturgune nabermenetan erakutsiko da.

Tokiko erakundeekin batera, jarduera egutegi bat finkatuko da eta bertan artistek hainbat parte hartze izango dituzte aretotan, museotan, kulturgunetan eta galeriatan (mahai inguruak, eztabaidak, workshopak, topaketak eta lan kolektiboak) lekuko artista garrantzitsuekin.

Gehiago

IZOKIN #6

SORKUNTZARAKO MUGAZ GAINDIKO LAGUNTZAK
Deialdi honen bidez Bitamine Faktoriak bakarkako sortzaileen eta taldekakoen proiektuak nahiz ekoizpen espazio iraunkorren eta kultur eragile independenteen ekimenak bultzatzen ditu, eta horren bidez lagundu egiten du lekuko sortze ehuna indartzen eta herritarren artean hedapen handiagoa lortzen.

Bakarkako edo/eta taldekako sortzaileen lanak ekoizteko izango dira laguntzak, izaera berritzaileko proiektuak eta aukera askeko oinarriak eta edukiak izango dituzten jarduerak. Beren jarduera Euskal Herriko mugaz gaindiko lurraldean garatzen duten pertsona fisiko edo kolektiboentzat bideratuta dago.

Gehiago

EAS-EZE #6

EUSKAL ARTE GARAIKIDEA NAZIOARTEKOTZEKO PROGRAMA

Bitamine Faktoriak, gaur egungo euskal artea nazioartera irekitzeko bere planean jasotako esparruaren barnean egiten du deialdi hau. Programa honen bidez arte ikerkuntza eta ekoizpena sustatu nahi dira, sortzaileak sustatzen lagundu eta artisten nazioarteko mugikortasuna bultzatu nahi da.

Euskadin bizi diren eta bertan lan egiten duten artisten esportazio proiektu artistikoak sustatzeko da, edozein diziplinatakoak izanda ere.

ZERTAN DATZA?

Bi fasetan garatuko da laguntza. Hasieran proiektu batean lan egingo da hainbat aurreko hilabeteetan. Behin bukatu ondoren, esportatu egingo da Buenos Airesen (Argentina) aurkezteko, eta han gaur egungo hainbat kulturgune nabermenetan erakutsiko da.

Tokiko erakundeekin batera, jarduera egutegi bat finkatuko da eta bertan artistek hainbat parte hartze izango dituzte aretotan, museotan, kulturgunetan eta galeriatan (mahai inguruak, eztabaidak, workshopak, topaketak eta lan kolektiboak) lekuko artista garrantzitsuekin.

EPEMUGA
2020ko martxoaren 9a.

INFO
enter@bitamine.net

Gehiago

EAS-RIO #2

EUSKAL ARTE GARAIKIDEA NAZIOARTEKOTZEKO PROGRAMA
{ DEIALDIA ETENDA DAGO }
Bitamine Faktoriaren EAS-RIO Euskal arte garaikidea nazioartekotzeko programak artearen ikerketa eta ekoizpena bultzatu, sortzaileen sustapenean lagundu eta artisten nazioarteko mugikortasuna bultzatzea du xede. Deialdi honetan Euskadin bizi eta lan egiten duten artisten proiektu artistiko esportagarriak aurkeztu ahal dira, diziplina mugarik gabe.

ZERTAN DATZA?
Deialdia bi fasetan garatzen da. Bidaiatu aurretik, artistak proiektua sortu eta lantzen du, ondoren Brasilera esportatzeko. Helburu honekin, bertako kultura garaikideko erakunde nabarmenen lankidetzarekin jarduera egitarau bat antolatzen da sorkuntza proiektua Rio de Janeiro hiriko tesguinguruan aurkezteko. Artista hautatuak hainbat jardueratan parte hartzeko aukera du, hala nola erakusketa, mahai-ingurua, eztabaida, workshop eta topaketak tokiko artista eta kolektiboekin.

EPEMUGA ETENDA
2020ko martxoaren 24a
Apirilaren 7a arte luzatuta

XEHETASUN GEHIAGO
enter@bitamine.net


Bitamine Faktoriaren adierazpena
DEIALDIAK ETENDA

Covid-19k eragindako osasun krisiari aurre egiteko Espainiako Gobernuak ezarritako alarma egoera dela eta, Bitamine Faktoriak zabalik zeuden deialdi guztiak eten egin ditu.

Salbuespenezko egoera amaitu ondoren, hautagaien izen ematea berriro irekitzea espero dugu, izan ere, etxealdiak ohiko moduan lan egitea eragozten digu. Orain arte jasotako hautagaitzak aintzat hartuko dira prozesua berriz abiatzen denean.

Eskerrik asko guztioi zuen ulermenagatik. Zaindu eta zaindu zuen familia (zentzurik zabalenean). Zaindu gaitezen denok.

Gehiago

IZOKIN #8

SORKUNTZARAKO MUGAZ GAINDIKO LAGUNTZAK

Izokin deialdiak bakarkako sortzaileen eta taldekakoen proiektuak nahiz ekoizpen espazio iraunkorren eta kultur eragile independenteen ekimenak bultzatzen ditu, eta horren bidez lagundu egiten du lekuko sortze ehuna indartzen eta herritarren artean hedapen handiagoa lortzen.

Bakarkako edo/eta taldekako sortzaileen lanak ekoizteko izango dira laguntzak, izaera berritzaileko proiektuak eta aukera askeko oinarriak eta edukiak izango dituzten jarduerak. Beren jarduera Euskal Herriko mugaz gaindiko lurraldean garatzen duten pertsona fisiko edo kolektiboentzat bideratuta dago.

ZERTAN DATZA
Obrak ekoizteko laguntza ikus-arteetan, ikus-entzunezkoetan, musikan, eszenan, literaturan, diseinuan, komikigintzan edo beste edozein sorkuntza diziplinatan. Kultur proiektuen ekintzailetza: ekitaldien edo/eta kultur espazioen kudeaketa nazio mailan eta nazioarte mailan. Obraren erakusketa.

NORK JASO DEZAKE
Laguntza hauen onuradunak Gipuzkoako, Nafarroako edo Euskal Hirigune Elkargoko (Lapurdi, Nafarroa Beherea eta Zuberoan) lurraldeetan beren jarduera jorratzen duten pertsona fisiko banakoak eta pertsona fisikoen taldeak izango dira edota beraien proiektua lurralde honekiko lotura zuzena dutenak, adin mugarik gabe.

HAUTATZE IRIZPIDEAK
Proiektu bakoitzaren kalitatea, ibilbidea, berrikuntza, konektibitatea, parte hartzea eta mugaz gaindiko izaera hartuko dira kontuan.
Balorazio batzordea egokitzat hartzen dituen eskatzaileekin elkarrizketatu ahal izango da laguntzaren eskaeraren inguruan informazio osagarria jaso ahal izateko.

EPEMUGA
2021eko martxoaren 29a.

Gehiago

IMPEX 2.0

NAZIOARTEKO ARTE EGONALDIA
BITAMINE FAKTORIA - FABRICA DE PENSULE
1. EDIZIOA

Fabrica de pensule arte garaikideko guneak deialdiaren bigarren edizioa antolatzen du, artista emakumeen artean trukeak sustatzeko xedez. Oraingoan, Bitamine Faktoria mugaz gaindiko sormen eta kultur ekoizpen fabrikarekin egingo du lan. Deialdiaren helburua hauxe da Euskal Autonomia Erkidegoko artista batek egonaldia eta emaitzen aurkezpena egiteko esparru kritikoa sortzea, Cluj-Napoca hirian (Errumania). EAEn bizi diren eta Errumaniako hirian, Fabrica de Pensule arte gunean, egonaldia egin nahi duten artista emakumeei zuzenduta dago. Programaren interesa tokiko komunitate artistikoa nazioartekotzeko esparru egokia sortzean eta bi agertokitan trukean egitean datza; izan ere, artista errumaniar batek Euskadi bisitatuko baitu esperientzia bera Bidasoa eskualdean egiteko (Errumanian bertan bi artistak harremanetan jarri dira).

EPEMUGA
2021eko maiatzaren 31a

*Argazkia: IMPEX 1.0, Maria Brudașcă’s artwork, Residency at motoco&co in Mulhouse, FR, 2019.

Gehiago