MUGAZ GAINDIKO KULTURA
EKOIZPEN ETA SORMEN LANTEGIA
MUGAZ GAINDIKO KULTURA
EKOIZPEN ETA SORMEN LANTEGIA

IRUNGO UDALA

Irun hiri dinamikoa, irekia eta abegitsua da. Bisitatzen gaituztenen gogoko da, eta bertako hiritarrek maite dute. Historia aberatsa eta berezia daukan lekua da. Iraganak erromatarren garaietara garamatza; eta, era berean, urtetan izan duen muga-izaerak, aukeraz eta erronkaz betetako etorkizunera.

http://www.irun.org/

PROIEKTUAK PARTE HARTZEN DITUT

SENS IRUN

Sens Irun hiria eta bere merkataritza zentzumenen bitartez ezagutzeko ekimenaren marka eta identitate korporatiboko euskerrien garapena.

Gehiago

DONOSTIARTEAN AZOKARAKO STANDAREN DISEINUA


STANDAREN DISEINUA.
**BEZEROA: **Ayuntamiento de Irun

Donostiartean arte garaikideko azokarako stand-a diseinua eta eraikuntza. Azoka hau 2017ko uztailaren 20tik 23ra ospatu zen.

Bitamine Faktoria sormen lantegiaren proposamena forma-minimalismoan eta argitasunean oinarritzen da. Azalera stand esku-hartze soila burutzen da, komunikatu nahi den mezua indartzeko xedez: Irungo udalak bultzatzen dituen proiektuen izaera berritzailea.Interiorismoak elementu erakargarria sortzen du, sartzeko gonbitea luzatzeko. Horretarako, sarbide bat eratu da, zurezko egitura bat eraikiz, kirol-sare batekin bilduta eta puxika zuriz beteta. Barne hormetan, informazio-biniloak itsatsi dira, proiektuen filosofia era grafikoan irudikatzeko baita Irungo udalaren logoa eskuz margotutako ohol bi ere. Bestalde, proiektuen izaera bi bideoren bitartez zabaltzen da, zurez egindako euskarri banatan jarrita.

Gehiago

INSTALAZIO ARTISTIKOAK - ARTEANDO

Instalazio artistikoen proiektuen sorkuntza eta egitea.
Bitamine Faktoria diziplina anitzeko artisten talde bat da, 2008an sortutako Artitadetó artisten kolektiboaren jarraipen bezala jaiotzen dena.
Geroztik pieza artistiko desberdinak egin izan dituzte, nabarnenen artean Abrigo Maleta Ryan, Libre Circulación de los Seres Humanos, Higer.
Esperientzia artistiko honetatik abiatuta esku hatze, site-specific proiektu, instalazio, etab. proposatzen ditugu.
Enkargu hauetako bat Irungo Udalak ARTEANDO arte garaikideko ferian izan zuen stand-a izan zen.

2012

2013

Gehiago

RIBERA #1

BIDASOAREN MEMORIA ARTEAREN IKUSPEGITIK

Ribera proiektua ekintza esparru berariazko batean kokatzen da. Bidasoaren ibaiaren balioa nabarmentzea da xedea, Irungo desanexioaren eta hiriaren sorreratik 250. urteurrena ospatzen da baita Avenida zubiaren eraikuntzaren mendeurrena ere ospatzen den 2016 honetan.

Egitasmo hau Avenida zubiaren eremuan jazotako gertakariei lotutako ondare historikoaren eta antropologikoaren sormen lanen bidezko itzulpen artistikoan oinarritzen da. Hainbat artistak, teknikok, ikertzailek eta kolektibok, tokikoak gehienbat, burututako prozesuei esker hausnarketa partekatu bat bideratu da espazio geografiko-denborazko honen inguruan. Horretarako, diziplina eta formatu ezberdinak baliatu dira, hiru ardatzetan eratuta: ibaia, memoria eta arte garaikidea.

Jendaurreko aurkezpenak bi mugarri izan ditu. Lehenik, 2016ko irailaren 24ean espazio publikoan burututakoa, Avenida zubiaren inguruan. Aurkezpen honek ibaiertzearen espazioa berreskuratzea du xede sorkuntza dinamikak, zirrarak eta esperientzien bidez.

Arte garaikidea eta hainbat diziplinen hibridazioa oinarri hartuta historia zeharka gogoratzea da helburua, hala nola, bitartekaritza, teknologia, arte garaikideko praktikak eta paisajearen diseinua. Aldiz, bigarren jardunaldia, 2016ko urriaren 6an, CBA kulturgunean ospatzen da, prozesu artistiko bera barreiatzeko eta zabaltzeko xedearekin, non artistek jendartearekin batera hausnarketa partekatu bat garatuko duten.

Ondoko artistek propio sortutako lanekin osatu da programazioa.

Mugako hitza
Javier San Martinen, Aloña Zubizarretare & Maider Likona - “Pescando Aniversarios”, “Sonidos del pasado”
Jeongsoo Lim - “Give me your name”
Parasite - “Camino narrado”

Muga ikusezin berria
Aitzpea Leizaola & Helga Massetani - arte eta antropologiako workshopa
Ezmugak - “Zubi sweet home”

Mugako musika
Maider Elcano - “Karaoke mobil”

Memoriaren objektulogiak
Lander Etxedona - ikus-entzunezko instalazioa
Jeongsoo Lim - “Ask and respond”
Bitamine Faktoria - "Gauproject"

Ribera 2016 bideoa

Gehiago

RIBERA #2

BIDASOAREN MEMORIA ARTEAREN IKUSPEGITIK

Ribera proiektuaren bigarren edizio Bidasoa ibaiertzean ospatu zen, 2017ko irailaren 23an, larunbatarekin. Egitasmo honek arte garaikidea eta memoria historikoa ardatz hartzen ditu. Egun osoko jardunaldian hainbat artistek eta kolektibok ibaiaren alderrietan jorratu zituzten izaera askotariko lanak: instalakuntzak, dantza, musika eta proiekzioak.

Progamazioa hainbat instalakuntzarekin eta ekintzarekin osatu zen, besteak beste: Bitamine Faktoriak sortutakoak; Kubo Beltza Project galeria mugikorra, “Ecos del Bidasoa” lanarekin, Pau Figueresek gidatuta; “Oroimeneko hormak” GKo Galleryko Garikoitz Muruaren eskutik; dantza garaikidea Myriam Pérez Cazabon “Nere azalean arrotz” koreografiarekin; foro antzerkia, Alazne Corral eta Gorka Álvarez bikoteak zuzendutatako Ribera Bekaren emaitza; LUMI taldearen pop elektronikoa; eta “Expanded Landscape Bidasoa” proiekzioak Jaime de los Ríosek aktibatuta.

Halaber, Riberak beste aurkezpen bat proposatzen du, 2017ko urriaren 5ean, CBA kulturgunean, prozesu artistiko bera barreiatzeko eta zabaltzeko xedearekin, non artistek jendartearekin batera hausnarketa partekatu bat garatzen zuten.

Ribera proiektua Irungo udalak bultzatzen du, Irun Factory programaren eremuan, arte sorkuntza eta sormen industriak sustatzeko eta artea esparru publikoetan deszentralizatu eta azaleratzeko asmoarekin.

Ribera 2017 bideoa

Gehiago

RIBERA #3

BIDASOAREN MEMORIA ARTEAREN IKUSPEGITIK

Irungo Udalak sustatutako eta Bitamine Faktoriak kudeatutako programa honek Bidasoaren ibaiaren memoriaren balioa nabarmentzen du arte garaikideko praktiken bitartez. Artea baliatzen da ibaiertza indarberritu eta jendartearekiko harremana sendotzeko, gizartean izan duen izaera dinamizatzailea gogora ekarriz.

Riberak bi mugarri ditu, udazken hasieran. Lehenik, jardunaldi nagusia Bidasoa inguruan ospatzen da, ibaiaren eremu geografikoa berreskuratzeko xedez, sormen dinamikak, zirrarak eta esperientzien bitartez, historiako pasarteak zeharka oroitarazteko. Bigarrenik, CBA Kultur Gunean prozesu artistikoak zabaltzeko xedearekin, artistek eta jendarteak hausnarketa partekatu bat garatzen dute.

Hirugarren edizioko programa honek ondoko proposamenak bildu zituen: BIDASOAKO OIHARTZUNA, soinu-instalakuntza Osinbiribil inguruan dagoen karabineroen kaserna zaharrean, Virginia Gasull (1943) eta Eneko Arcas (Deia) egileen kontakizunekin; jarduera parte-hartzaile bi BIDAIA KAIERA, margoa eta marrazkia aire zabalean, Il Duomo elkarteko Juncal Alfonsok & Arantza Albisuk lagunduta, eta KONTAKIZUNAK PEDALKADAZ PEDALKADA, paseoa txirrindan, bidaide hauek kontatua: Idoia Castro (Museo Oiasso), Ana Galdós, Fernando García Nieto, Mikel Huarte & Heidi Otaduy (Ribera Bekak) eta Ion Aranguren (Sos Arrazakeria / Irungo Harrera Sarea); eta OROIMENAREN HORMAK, Xabier Anunzibairen horma-irudiko esku-hartzea Santiago karrikako zubibide azpian. Bestalde, Bitamine Faktoria hainbat esku-hartze burutu zituen: CHECKPOINT, informazio eta topaketa gunea; HONDARTZA, Bidasoari so egiteko instalakuntza; eta SELFIE POINTS, ibaiertza interesgunetzat aldarrikatzeko esku-hartzea. Jardunaldia dantza garaikideak eta manouche jazz musikak borobildu zuten, batetik Eneko Alcarazen (Cia. Ekilore) “Sorginak kanpora” lana; eta bestetik, Sur Le Feel, hirukotearen soinu banda CONCERT PIQUE-NIQUE amaiera ekintzarako. Azkenik, “Faisaien uhartea, Historia kontatzeko moduak” ikerlanaren nondik norakoak aurkeztu zituzten Iván Gómez eta Iraitz Agirre (Ribera Bekak) artista eta antropologoa bikoteak.

Gehiago

TERRAZA

Terraza

Berdinen arteko topaketa eta elkartruke lekua.
Asteartero, 16:00etatik 18:00etara.
2015eko Maiatzaren 12tik ekainaren 16ra

Baliabideak izatea ez da bakarrik lanerako espazio bat izatea.
Argi dago gaur egun gure etxea izan daitekeela. Espazioak beste gauza erakargarriak izan behar ditu arlo honetako komunitatea aglutinatzeko.
Egingarri diren adibide batzuk hurrengo hauek dira: baliabideen informazioa, kontaktuak erraztea, proiektuen tutorizazioa, iturrien laguntza (liburuak, artistak, kudeaketa-ereduak, beste enpresa kreatiboen adibideak, etab), kontseilu fiskalak, finantziazio medioak. Ekimen kulturalak azkarrago, errazago eta ziurrago jaurti ahal izatearekin erlazionatutako gauzak.
Hortaz, behar hau formalki programatutako tailer edo jardunaldietatik kanpo kontaktuak egiteko aukera batean bilakatu daiteke.
Formatu lasaia da baita planteamendu hauei jarraipena eta soluzioak emateko topaketa lekua ere. Espazio hau publiko guztiari irekita dago eta bertan komunitate artistikoak orokorrean planteatutako gai guztiak bideratuko dira.

Gehiago

KONTENPORANEA #3

ERAIKUNTZA

La tercera edición de Kontenporanea se articula en torno a la construcción, entendiendo este concepto en sentido amplio, para configurar una programación sólida y sostenible, la cual se despliega en cuatro direcciones: construcción de ideas, espacio, sociedad y medio ambiente. KEOA 2019 ocupa el espacio exterior con el objetivo de dar una mayor visibilidad a los proyectos artísticos en nuestro territorio y propiciar nuevas relaciones con la ciudadanía.

En esta ocasión, el comité organizador ha estado formado por Andrea Villamor Sanchez y Patricia Taberna Solbes (Irun), Ane Lekuona Mariskal (Hondarribia) y Viveca Tallgren (finlandesa afincada en Hendaia), con experiencia en los ámbitos de Historia del Arte, Gestión Cultural y Diseño Gráfico. El carácter multidisciplinar del equipo de trabajo ha enriquecido el proceso, facilitado y acompañado por Bitamine Faktoria.

Kontenporanea se celebró en el entorno de la Plaza San Juan de Irun durante el fin de semana del 18 al 20 de mayo de 2018.

ARTISTA GONBIDATUAK
AINARA LEGARDON / ANDREA ESCARGOT / ALLAN DAASTRUP / AUTOBIOGRAPHIKAL / DAUDANE / HELENA GOLAB / IGOR REZOLA / OLALLA GÓMEZ / SOLAR SOUND SYSTEM / TODO POR LA PRAXIS (TXP)

ERAKUSKETA
AKSEL HAAGENSEN / CAMILLE PERROTTET / DAVID SALCEDO / FERNANDO ANTONIO VELÁZQUEZ / MAX PROVENZANO / NAUSHIN AHMED / RAFAEL TRIANA / ROJO SACHE / SEAN CHAM

ARTE MERKATU ESKURAGARRIA
APOTHEKE STUDIO, ARRAMAZKA, BASQUE CERAMIC DESIGN, CAMILLE PERROTTET, GAROA ILUSTRAZIOAK, IMANOL RIBERA, JONE TABERNA, JULIA LASA, LEIRE LLANO, MIRIAM LOIDI, MR. WOODMAN, OUCHINI, ZOCCO HANDMADE, + LO VI (muffins & cookies faites maison)

ESKER ONA
GORKA LOMEÑA SLU

Gorka Lomeña eraikuntza enpresari eta bere lantaldeari jarduera guztiak hartu zituen azpiegitura prestatzen eta antolatzen eskainitako laguntzagatik.

KEOA 2018 katalogoa

Gehiago

KONTENPORANEA #4

ELKARTRUKEA

Laugarren edizioa elkartrukean oinarritzen da, elkarrekikotasun- eta atzeraelikadura-dinamika gisa ulertuta. Trukerako bokazioa presente egon da programazioaren diseinuan eta proposatutako jarduera batzuen arteko loturan. Hain zuzen ere, programatutako tailerrak elkarri lotuta egon dira: horietako bakoitza elikatu egin da, aldez aurreko jardueran lortutako baliabideak eta materialak erabiliz. Azken emaitza izaera kolektiboa duen proiektu artistiko pertsonal bat izan da, argitalpen formatuan.
Oraingoan, Miguel Matador, Julen Sanchez eta Haizea Olaizolak (Irun), Maialen Caballerok (Hendaia) eta Faidra Drakonakik (Hendaian bizi den greziarra) osatu dute batzorde antolatzailea. Literatura, Hizkuntzalaritza, Kultura Kudeaketa eta Diseinu Grafikoa bezalako diziplinetan izandako esperientziak proiektua aberastu du, Bitamine faktoriarekin batera.

ARTISTA GONBIDATUAK
Cocina De Guerrilla Sukaldea / Ibai Sarasketa / Il Duomo / Irantzu Piquero / Fem Tour Truck / La Ménagerie / Lezuri Ormazabal / Moon Djs / Nomad Studio / Susana Blasco

ERAKUSKETA
Alberto Letamendi / Claude Billès / David Salcedo / Fabio Coruzzi / Gema Ramírez / Javi Utrera / Juliette Toullec / Miriam Loidi / Noelia Sierra / Rubén González Calzada

ART MARKET
AUTOEDIZIO MERKATUA
Ainhoa Gordo / Alquimia Fanzine / Azul Cobalto Fanzine Banatzailea / Berezi Art / Igoreto Photography Jon Cadierno, EncreS / Kbk (Mugakide), Mr. Woodman, 35. Thompson (Javi Utrera).

KEOA 2019 katalogoa

Gehiago

A TOWN THAT MAKES YOU HAPPY #1

ARTE GARAIKIDEA EREMU PUBLIKOAN
Bitamine Faktorian forma hartutako ekimena da A Town That Makes You Happy, eta esku-hartze, ekintza eta lantegi parte-hartzaileei esker eremu publikoan eragin positiboa sortzea du xede. Jakin dakigunez gizartea eraldatzeko tresna boteretsua dela artea, hiri-paisaia aldatu egin nahi dugu, inguratzen gaituena edertzeko. Adibidez, gris-kolorea besterik ez zegoen tokietan koloretako arrastoa uztea, altxatutako horma zatietan mapak kartografiatzea, edo iragarki oldarkorrez jositako paneletan mezu adeitsuak islatzea. Aipatutako adibideak lan iragankorrak diren arren, pertsonen eta tokien memorian diraute luzaroan. Proiektu honek artea ohiko tokietatik at eramaten du, jendarteak ahaztuta dituen edo haientzat ikusezinak diren tokiak hautatuta, tokiotan nekez antolatzen baitira jarduera edo ekitaldi ikusgarriak.

A Town That Makes You Happy ekitaldiaren lehenengo edizioak arte garaikidearen inguruko hainbat esku-hartze proposatu zituen gure egoitzaren auzoa den Larreaundin. Ekimen horretan, eskualdeko artisten, bizilagunen, denden eta enpresen iritziak bildu ziren, auzo erakargarriago eta lagunkoiago bat diseinatzeko.

2018ko urriaren 6an (larunbata) gauzatutako proiektua Loiolako Iñigo kalean garatu zen; hots, Bitamine Faktoriaren egoitzaren kalean. A Town That Makes You Happy proiektuaren helburua eremu publikoan eta pertsonen umorean eragin positiboa sorraraztea da, tokiko, Gipuzkoako eta Euskadiko emakume sortzaile talde batek auzorako pentsatutako esku-hartze, ekintza eta lantegi parte-hartzaileen bidez. Eguna girotzeko, herri-bazkari bat antolatu zen, bazkalondo eta guzti, bai eta Sara Mansilla eta Moon djs musikariek eskainitako zuzeneko saio bat ere.

ARTISTA GONBIDATUAK
Garikoitz C. Murua, Igor Rezola Iztueta, María Rios, Moon Djs, Nerea Lekuona, Pili Aguado, Ramon Zabalegi, Sara Mansilla, Susana Blasco

ERAKUNDE HAUEN BABESAREKIN
Kutxa Fundazioa / Irungo udala / Eusko Jaurlaritza / Gipuzkoako Foru Aldundia / Rehabite

LAGUNTZAILEAK
Cepinsa / Ondarribi Grafikagintza / San Miguel / Atrezzo / Restaurante Tetería Kus Kus

ESKER ONA
Artista, bizilagun, dendari, babesle eta laguntzaile guztiei auzo zoriontsuago bat irudikatzeagatik

Gehiago

A TOWN THAT MAKES YOU HAPPY #2

ARTE GARAIKIDEA EREMU PUBLIKOAN
Bitamine Faktorian forma hartutako ekimena da A Town That Makes You Happy, eta esku-hartze, ekintza eta lantegi parte-hartzaileei esker eremu publikoan eragin positiboa sortzea du xede. Jakin dakigunez gizartea eraldatzeko tresna boteretsua dela artea, hiri-paisaia aldatu egin nahi dugu, inguratzen gaituena edertzeko. Adibidez, gris-kolorea besterik ez zegoen tokietan koloretako arrastoa uztea, altxatutako horma zatietan mapak kartografiatzea, edo iragarki oldarkorrez jositako paneletan mezu adeitsuak islatzea. Aipatutako adibideak lan iragankorrak diren arren, pertsonen eta tokien memorian diraute luzaroan. Proiektu honek artea ohiko tokietatik at eramaten du, jendarteak ahaztuta dituen edo haientzat ikusezinak diren tokiak hautatuta, tokiotan nekez antolatzen baitira jarduera edo ekitaldi ikusgarriak.

A Town That Makes You Happy proiektuaren bigarren edizioak muina mantendu egin zuen (eremu publikoan parte hartzea, alegia); formatua, berriz, aldatu. Oraingoan, enpresa handien kanpainetarako erabili ohi diren hainbat publizitate-eremu okupatzean zetzan proiektua, modu iragankorrean haietan esku hartzeko, artelanen ohol izan zitezen. Hausnarketarako gonbidapen diren eta nahasmena/harridura sorrarazten duten lanen bidez, komunikazioaren eta kontsumoaren inguruko kontzientziazioa suspertu nahi zen proiektuarekin.

Abenduaren lehen bi asteetan zehar, lanak eremu publikoan jarri ziren ikusgai, artearekin bateragarriak izan ohi ez diren euskarri eta tokietan. Programazioa osatzeko, emakume artista gonbidatuetako laurekin eta Transbitarekin topaketak antolatu ziren. Azken hori Bitamine Faktoriak sortutako karabana ibiltaria da, zeinak hiriko auzo eta kaleetan barrena Estíbaliz Sádabak egindako ibilbidearen lan audiobisuala erakusten baituen.

ARTISTA GONBIDATUAK
Anne Laure Boyer, Colectivo Redil De Arte Político (Iñaki Larrimbe y Rubén Díaz De Corcuera), Estíbaliz Sádaba, Marina Vargas, Zuhar Iruretagoiena

ERAKUNDE HAUEN BABESAREKIN
Irungo udala / Eusko Jaurlaritza / Gipuzkoako Foru Aldundia

LAGUNTZAILEAK
Auzo elkarteak Landetxa, Santiago, Urdanibia / Gorka Lomeña SLU / Ficoba

Gehiago

BIDASOAREN KARTOGRAFIA EMOZIONALA

Ikerketa eta ekintza proiektu hau tandem formatuan garatu da Maria Jose Noain antropologo eta historialariarekin eta Bitamine Faktoria talde artistiko bezala, Irungo Udalaren Riberako bekari esker. Deialdi horren helburua giza zientzien eta artearen alorrean esparru iraunkor bat aktibatzea da, mugako lurraldea aztertzen duten proiektuak laguntzeko, bereziki Bidasoa ibaia eta bere ingurunea.

Komunitatearen parte-hartzea funtsezkoa izan da Bidasoari lotutako emozioak kartografiatzeko prozesu honetan. Bederatzi hilabetez, ikerketak eta ekintzak lurraldeko biztanleekiko interakzioan jarri dute indarra, hainbat tresnaren bidez, hala nola inkestak, elkarrizketa pertsonalak eta taldekoak, espazio publikoko ekintzak eta lehen hezkuntzako ikasleekin egindako tailerrak.

Horrela, ikerketa bibliografikoa aberastu egin da ahozko testigantzen bilketarekin, batetik, jendeak bere baitan gordetzen duen ibaiaren dimentsio sinboliko eta plastikoen pertzepzioenarekin, bestetik. Azken emaitzak herritarren emozio partekatuak islatzen dituen denboraz kanpoko kontakizun poliedriko bat da, mapa zabalgarri baten itxurakoa. Bidasoko kartografia emozionalaren gaineko ikerketan eta ekintzan oinarritutako sorkuntza artistikoa da.

Gehiago

AUZO SORTZAILEA #1

“AUZO SORTZAILEA” ERAKUSKETAREN INAUGURAZIOA Barrios/Auzoak proiektuko emaitzak jasotzen dituen erakusketaren inaugurazioa joan den ostegunean, maiatzak 28, izan zen.
Maialen Arocena, Aitor Izaguirre, Mónica González eta Tania Lozano artista irundarrek egindako baterako lana da. Lehen edizio honetarako hautatu diren auzoetako Auzo Elkarteekin batera egin den lan bat da: Alde Zaharra, San Migel, Elitxu eta Anaka

Gehiago

INDUSTRIA SORTZAILEEN JARDUNALDIA #5

Berrikuntzaren inguruko jakintzak eta jardunak elkar trukatzeko topaketa

Kultura- eta sormen-industriak gaur egungo sektorerik indartsuenetarikoak dira, jakintzaren ekonomia berrian duten funtzio estrategikoa eta haien balio erantsi handia dela eta. Industria sortzaileen jardunaldiei esker, proiektu berritzaileak kaleratzeko lanean diharduten tokiko enpresen egitasmoak ezagutzeko aukera ematen da. Aldi berean, topaketa honi esker ekintzaileen arteko harremanak ahalbidetzen dira, sinergiak eta kolaborazioak erraztuta, sormen-industriaren ehuna sendotzearren.

Ekitaldi honek Euskal Herriko hainbat enpresa eta elkarte biltzen ditu, haien negozio-ideiak aurkezteko eta berrikuntza-prozesuak eta produktuak/zerbitzuak merkatuan nola txertatzen dituzten azaltzeko. Sormena eta berrikuntza hizpide, eztabaidarako eta hausnarketarako gunea ere bada, non partaideen jakintza eta jardunak elkar trukatzeko aukera baitago.

Irungo Udalaren Sustapen Ekonomikorako saila eta Bidasoa Activa Bidasoa Bizirik eskualdeko garapen-agentzia dira topaketa honen antolatzaileak 2013tik.

EGITASMO GONBIDATUAK

3R3D / Borderline Fabrika / Hiritik At / La Kilombera / Mari Matraka / Nymphalur / Wood & Nika

Gehiago

KONTENPORANEA #2

Tokiko arte komunitateak sortutako arte topagunea
Arte garaikideko ekimen hau Irungo Udalaren Kultura sailak bultzatzen du eta Bitamine Faktoriak kudeatu. Topagune honek berezitasun nabarmena du: artista gazteek sortuta eta artista gazteei zuzenduta dago. 2015ean jaio zen proiektu honek sormen, arte eta kultura alorrean diharduten hiriko eta eskualdeko gazteak ahalduntzea du xede. Bertan bat egiten dute goraka doazen artistak, ibilbide luzekoak eta publikoa oro har.

Bigarren edizio honen batzorde antolatzailea Aitor Bengoetxeak (serigrafia eta grabatua), Tania Lozanok (diseinu grafikoa), Tracy Portillak (bitartekaritza eta kultura ondarearen balorizazioa) eta Itziar Elosegik (dantza garaikidea) osatu dute. Programazioa erakusketez, mahai-inguruez, emanaldiez (performance, musika, dantza, antzerkia) eta bestelako diziplinako jarduerez (serigrafia, diseinu grafikoa, horma irudia) hornitu da.

Kontenporanea 2017ko azaroaren 25ean eta 26an ospatu zen Carlos Blanco Aguinaga Kultur Gunean (CBA). Ekimen hau POCTEFA lankidetzarako programari esker kofinantziatua izan da, Ibilbide Paregabeak proiektuaren baitan.

ARTISTA GONBIDATUAK / ARTISTAS INVITADOS / ARTISTAS PARTICIPANTS
AITOR BENGOETXEA, AMALUR LULUAGA, ANA ALLUE, ANDONI ROBLES, BLAMI, CHRISTOPHE PAVIA, EKIZA, ENERITZ FURYAK, GABRIEL VALLECILLO, HARA NORI, HARSA, IRAITZ ARABOLAZA, IRANTZU LEKUE, JARA NAVARLAZ, JUNCAL ALFONSO, MIRIAM LOIDI, NEREA LEKUONA, NIKO ITURRALDE, ONINTZA ETXEBESTE, PATXI ARAUJO, PAU FIGUERES

Esker ona / Agradecimientos / Remerciements
Irun, Hendaia eta Hondarribiko Udaletako Kultura sailetako arduradunak
Responsables de los departamentos de Cultura de los Ayuntamientos de Irun, Hendaia y Hondarribia

KEOA 2017 katalogoa

Gehiago

KONTENPORANEA #1

Kontenporanea programak artista gazteek eta artista gazteentzat zuzendutako eta egindako arte-proiektu bat egitea proposatzen du. Artearen, sorkuntza kolektiboaren, parte hartzearen, hiriko artearen eta aire zabaleko aisialdiaren topagunea, Irungo Carlos Blanco Aguinaga (CBA) kultur zentro berrian egoitza izanik.
Asteburu baten zehar, deialdi iriki baten bidez hautatutako sortzaile gazteek bere obraerakutsi zuten. Programa eskualdeko artista eta profesional ezagunek eskainitako hainbat ikastaro, hitzaldi eta masterclassekin osatu zen.

Gonbidatuak: Ainara LeGardon (Musika - Inprobisazioa), Rafa Rodrigo (Lightpainting), Zuhar Iruretagoiena (Arte Bisualak), Miriam Isasi (Arte Bisualak), Joseba Larratxe (Komikia), Hernán Ordóñez (Diseinua), Jaime de los Ríos (Arte digitala), Zarzaparrila (Musika), Judas Arrieta (Arte Plastikoak), Cielo Raso (Dantza Garaikidea), Thais R. Varela a.k.a. Azulclarito Casiblanco (Argazkilaritza), Mai Egurza (Ilustrazioa) y Cobirds (Musika).
Jardunaldia aurrera eramateko gazteen komite bat sortu zen, antolaketa kultural batek behar dituen departamentuak lantzeko. Bitaminek proiektu osoaren koordinazio orokorra egin du, gure esku dagoen aholkularitza, laguntza, tresnak, sareak eta kontaktuak eskainiz.

Gehiago

ITSASARGI & KIMA / INSTALAZIOAK

Bitamine Faktoriak Eguberriko azokaren karietara, proiektu artistiko berezi bat diseinatu eta zuzendu zuen. Talde-lanak, hogei bat artistarekin lankidetzan gauzatuta, ikusleen arreta erakartzeko eta tokiko sormen-komunitatearen lana nabarmentzeko xede izan du, kultura sektorearentzat urte nahasi eta zail bati amaiera emate aldera. Irungo Udaleko Hiri Bultzada eta Ekonomia Arloak sustatutako jarduera da azoka.

ITSASARGI
Itsasargi esku-hartzeak gure arreta erakartzen du eta beste ikuspegi batetik behatzera gonbidatzen gaitu, inguratzen gaituenaz hobeto jabetzeko. Metafora bisual honek argia dakarkigu, etortzear dagoen ona irudikarazten gaitasunaz.

Espazioa hartzea, airearen handitasunak betetzen du hutsunea.
Formen metaketak inguratzen gaituenaren dimentsioa argitzen du.
Metafora bisual honek geldiarazten gaitu, eta jabetzen ez garen ingurua behatzera eragin.
Hain astiro pasatzen dira uneak, non so egitera bultzatzen gaituzten.

Farozainak : Judas Arrieta, Iñaki Oyarzabal, Bitamine Faktoria
Argiztapena : Jose Zapiain

/

KIMA 🌿
Esku-hartzean kultura alorrean lanean diharduten Irungo eta eskualdeko hainbat artistaren obrek egiten dute bat. Haien ekarpenek hurbileko ikuspegi artistiko bat eskaintzen digute testuinguru berezi honetan, zuhaitzetatik muskildutako adar-kima berriak balira bezala.

Bertako kimuak:

AG Caligrafía - Ainhoa Gordo, Ane Borreguero Oliden, asiertxosololaama!!!, Cristina Juaniz, Goizeko Izarra, Hache - Sarah Grandes, Haritzetan Atelier, Iciar Sánchez Parra, Iratxe Aires, Iratxe Colado, Itsaso Labari, Itziar Basterretxea Seijo, Javier Paule, Julia Lasa, Juncal Alfonso Aguilar, Loidi Miriam, Lorena Martínez Oronoz, Maialen Arocena, Mr Woodman, Patri Taberna Solbes, Patricia Gómez Rojo Inwoko, Restta estudio - Raquel Garcia, Von Jauregi, Xabi Amunarriz Rodriguez

Artea eta kultura etengabe sortzen omen dira, iturburu amaiezina dela uste dugu. Baina, gure zuhaitzak zaintzen ditugun bezala, kultura eta artistak ere zaindu behar ditugu haz daitezen.

Aurten bestelako adar-kima sortu dira plazako zuhaitzetan, artea darie adarrei. Eta baso mardul batek eguzkitik eta euritik babesten gaituen modura, arteak ere hala egiten duela sinetsita gaude.

Gehiago